المشاركات الشائعة
-
اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول ... -
مساء الخير ممكن أقول حاجة بسيطة مش معنى ان سما اترشحت يبقى كسبت مش معنى ان السبكي بيتكرم يبقى هو ده الصح مش معنى ان فيه كلب مات و ... -
مقالة اليوم هى مقالة هزلية لا تمت للجد بصلة فلو قاعد فاضي و عايز تضحك معانا يبقى كمل قراية اما لو كنت بتدور عن مشاكل سياسية يبق... -
- الدعاء : " اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه ولا تجعله ملتبسا علينا فنضل واجعلنا للمتق... -
أحدث مقولة انا قلتها بتقول : قول اللى فى نفسك بصوت عالى ثم أخرس تخيلو لو كل واحد يعمل بالمقولة دى حنرتاح لكن احنا بنفضل نقول اللى احنا عاي...
-
مقالة النهاردة مستوحاة من الصورة دى ..... انا مش عارفة اصلا مين اللى كتبها بس اللى كتابها عنده حق الناس دايماً بتدور ازاي تكتشف ال... -
نفسك تجربي اكلة جديدة من اللى بيجوا فى التلفيزيون بس جوزك مش موافق علشان دقة قديمة يبقى استني مع اول خناقة جاية و اطبخيها و هو علش... -
محدش شاف مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف ... -
هل اكتشفت ان لديك عقيدة؟؟؟؟ عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تع... -
ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاج...
العالم بالشقلوب
الأحد، 9 نوفمبر 2014
كل يوم فى سؤال بسمعوا يمكن عشر مرات .... سؤال أجابته من
أكثر من مصدر تقريبا واحدة .......انا النهاردة مش ناوية الف و أدور كثير انا حدخل
فى الموضوع ع طول ... مش كده أحسن اصل الناس بقت مخنوقة و الوقت قصير و مفيهوش
بركة يبقى ع أيه نلف و ندور ع بعض احنا ندخل فى الموضوع ع طول .......... هههههه
لفيت و دورت بردواالمهم السؤال بيقول " هو أيه اللى جرى فى الدنيا دى ؟؟؟؟؟ هى الناس بقيت عاملة كده ليه ؟؟؟؟؟" و ساعات بيكملوها بأجابة :" قول للزمان أرجع يا زمان .... الناس حالها أتشقلب" ....
السؤال بقى الناس حالها أتشقلب ..... كلمة ملهاش معنى .... ولو حد بيتعلم عربى جديد حيقولك " هل هذا يعنى ان الناس تمشي ع يديها !!!" ........... الصراحة عنده حق ما انتم بتقولوا كلام غريب ..... عامل ذى بنتى لما تقف ادام التلفيزيون و حد يقولها " يا بنتى نورى" ... تروح ع طول لافة و تقول ليه هو انا لمبة علشان أنور " ............. معاها حق و لا لا .......للاسف معاها حق احنا دمرنا اللغة ....
المهم أنا عرفت أجابة السؤال اللولبى اللى فوق ... الموضوع يسادة ان أغلب الناس قاعدة طول اليوم ع الفيس بوك فى الشغل , فى البيت ,فى الغيط .... فى كل حتة ... حتى الشركات اللى كانت عاملة نصحى زمان و كانت منعا النت فى المكاتب طبعا مع العصر الحديث بقى مستحيل انه يكون لسه بيستعمل البريد العادى من غير أميلات و الحركات دى ..... ده غير أن كل شركة لها موقع علشان تبان متحضرة ....حتى السباك له موقع ....... لول ......... حتى لو صاحب الشركة بخيل فا مشاء الله شركات التليفون موفرة النت فى اى مكان بسعر رمزى.... حتى رمزى من ساعتها سعيد اوى بالموضوع ده ..... لول
المهم اللى قاعدين ع النت دول مشتركين فى مليون صفحة .... طبعا ما الأخ مارك مش محدد عدد للصفاحات ( و الحمد الله انه مش عامل كده والا ساعتها كانت الناس حتفكر أكثر من مرة قبل ما تدخل صفحتى ...) و الذيذ و الشيق فى هذه الصفحات ان فى منهم عن الاكل (حتى لو راجل مش بيحب يطبخ لازم يكون مشترك فى جروبات الاكل ) و عن الاخبار العالمية و المحلية ... ومع واقع الدول العربية الائليم بعد الربيع العربى اللى طلع كله خماسيين ...فأن الناس بتشوف ع صفحتها العامة المشهد التالى :
صفحة #اليوم_السابع نشرة خبر بصورة عن مثتل ضباط فى كمين 0000 بعد هجوم مسلح من 0000 .... و الصورة طبعا مش ذى زمان لما كانوا بيصوروا الجثة و هى متغطية و انت تقشعر من فكرة ان دى جثة , لا دلوقتى لازم الصورة تكون فيها صورت الجثة و هى طاير نصها فرافيت و الدم فى كل حتة و المخ طالع من الرأس ( صورة يعنى من الاخر لو كنا أيام زمان كان زمانك مغمن عليك بعد المنظر ده ) ..... المهم تحت الخبر ده تلاقى صفحة #CBC_ سفرة حاطة صورة فتة و اللحمة قاعدة معرشة فوق الرز و الدخان طالع منها أو صورة اكلة أيطالى بالمعكرونة و الجمبرى حاجة اية وااااااااااو .... و الخبر اللى تحته ع طول من صفحة #ليالينا فيها صورة غادة عبد الرازق بتحتفل بحفيدتها الجديدة جويريا .....
طيب اديني عاقلك يا مواطن و انت الاخبار الثلاثة دول تحت بعض .... يبقى الكفترض تتأثر بمين فيهم بالظبط .....الواحد أصبح عنده مشاعر مطاطة بتتحول مع كل خبر للناحية بتاعته ع طول فى ثانية ......
زمان كان اللى عايز يقرا أخبار عن القتل و الدبح كان بيروح ع صفحة الحوادث و هو جاهز هو و عقله الباطن لمتابعة هذه الاحداث الدامية .... فكان بيقشعر بدنه لهذه الاحداث و بيبقى جاهز للجريمة ... لكن دلوقتى مشهد الثلاثة دول تحت بعض بينسيك المعنى الحقيقى للاحساس...... فا علشان كده مات الاحساس عند الناس …….و عادى حتى المجرم لما بيفكر فى جريمة قتل او أغتصاب بيفتكر صورة حلة المحشى اللى فى الصفح و مش بيفتكر سوء مظهر القتل ……
الموقع حلو قوي ،،،، بس فيه حاجة مش مظبوطه لازم يكون فيــه لايك مش لازم تكتب تعليق ،،،، اصل الدنيا مخنوقــة مش كدة ولا ايه
ردحذفههههه حاضر حنبلغ جوجل :)
ردحذف