هل أكتشفت ان لديك عقيدة ام لا ؟؟؟؟

السبت، 15 نوفمبر 2014

هل اكتشفت ان لديك عقيدة؟؟؟؟

عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تعلقك بدينك ....

ممكن تستغرب لو انت ما زلت داخل وطنك لكن لو انت فعلا مهاجر و بتقرا المقالة يبقى حتتفق معايا ..... ببساطة شعور الانسان بالوحدة بيجعله يحاول يتقرب من ما يشعره بالامان فتلاقي المسلم اول حاجة بيعملها انه يدور على اقرب جامع له اما المسيحي بتلاقيه جايب معاه من مصر اسم و عنوان اقرب كنيسة مصرية جنبه .... و حتلاقي نفسك مداوم على الذهاب لدور العبادة حتى لو وراك ايه ، يعنى المسلم حتلاقيه اول حاجة بيقولها لمدير عمله انه لازم يأخذ فاصل من شغله يوم الجمعة من فترة كذا الى فترة كذا ( لو بتسأل ليه بيروح الشغل يوم الجمعة طبعا لان انا قلت فوق دولة غير ناطقة باللغة العربية فا بالتالى بيأخذوا اجازة سبت و أحد مش الجمعة خالص) لأداء الصلاة....

حتى المحجبة سوف تفاجأ ان المجتمع الغربى متوقع منها حاجات أكتر من بلدها الام و اللى ممكن اساسا يكونوا شايفين ان الحجاب ده نوع من التموية ( ذي ما الرقصات بتتدارى فى الحجاب فى مصر علشان لا تعرف ) .... لكن فى الدولة الغربية لا بالعكس. ......إحنا دائماً بنعيب ع الغرب و على أنهم كل حاجة مباحة و عايشين في الكفر و الخ الخ من الهري ده و أنهم أعداء الدين و دى اهم كلمة لازم نقولها بعد كلمة الغرب .... طيب في الغرب آه فيه ناس مش بيحبونا و الحجاب بمجرد ما بيشفوه بيجيب لهم أرتيكاليا بس رغم كدة محدش يقدر لا يفصص في مسلمة و لا يعترض على لبسها و لا حتى يتكلم معاها بسوء حتى لو عاصر ع نفسه لمونة ...... مع أن الحق يقال يمكن لو جاتله فرصة و سمحوا له بالكلام أكيد ع الأقل حيعترض بس عمره ما حيشتم ..... هما متوقعين منك انك تكونى على خلق و لا تسمعى الشتأم و لا تسمحي بها فى مجلسك و انك من الاخر مغطية ودانك عن كل ما هو لا يليق من كلام البشر لدرجة انه لو حصل و حد قال كلمة بزيئة فى حضورك غالبا حيتأسف لك بعدها على طول او ممكن ان يترك المكان و يمشي ....عزيزي القارئ مستغرب لا ابداً خالص ده نتاج ان الكتالوج اللى راح لهم فيه وصف للأسلام و المسلمين يحمل معانى محترمة عن الاسلام انت نفسك سوف تدهش ازاى الكلام ده وصل لهم رغم أسرار المسلمين فى دول الاسلام انهم يغيروا المفهوم ده ....

طيب خلينى اوضح لك الموضوع بمثال عملى كان فى حادثة حصلت من كذا سنة (٢٠٠٨بالتحديد) انه تم خطف صحفية كندية و مصور استرالى من قبل عصابة مسلمة فى الصومال المهم ان الست طبعا اهلها راحوا على الحكومة علشان ينقذوا بنتهم لانها اتخطفت و خايفين على بنتهم من ان العصابة ممكن تعمل فيها حاجة .... المهم الحكومة خرجة وطمنتهم ان بنتهم مخطوفة على يد عصابة مسلمة و المسلمين مش ممكن يعملوا فى بنتهم اى حاجة وحشة لكن تعالى نبص على الواقع حتكتشف ان بنتهم كان بيتم الاعتداء عليها و تعذبها كل يوم على يد العصابة و الست حاولت الانتحار بسبب اللى بيحصل لها لكن لقيت بريق من الامل فى عصفورة دخلت فى الزنزانة لحظة محاولة الانتحار فقررت انها تصبر و ادعت الاسلام حتى يرحموها و اصبح حتى كتابها الاكثر مبيعاً لما نزل الاسواق ....

( الست اسمها امندا ليندوت و الكتاب اسمه بيت فى السماء او A house in the sky. و على الفكرة بعت حقوق ملكية الكتاب لشركة انتاج ضخمة فى الصيف الماضي و المتوقع ان يتعمل منه فيلم قريباً)

المهم ان الاسلام الاتوماتيك اللى فى بلدنا العربية أضر بالاسلام أكتر ما نفعه و فعلا حتعرف اهمية الاسلام لما تسافر برة القطر العربي ....

و صباحكم خير

#الأسلام

#صباح_الخير

#Amanda_lindhout

#A_house_in_the_sky