لا تنظر لهذه الصورة !!!!

ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاجة لكن فيها سحر ما بيخليك تقول" حلوة الفكرة دى " و الجملة دى أخطر فعلياً من الصورة ..... حعرفك ازاى بس الاول شوف الصورة دى

و دى كمان 

لو لسة بتقول فكرة حلوة يبقى انت حصلك ذى ما حصلي ..... اعزائي القراء من ورا الجملة دى مبقاش فى حاجة بتترمى فى البيت عندى و بقى عندى دواليب لحاجات على أمل انى حعمل بهم الحاجات اللى في الصور دى و طبعاً مع مشاغل الحياة لا بعمل حاجة و لا برمى و البيت خلاص حيمشي من الحاجات اللى فيه .... 

فعلشان كده بقول لكم الصورة بها سم قاتل :)))))))



 و أدى قاعدة التواليت اتحولت لمرايا
 حتى العجل القديم لم تنجو من التغير

و الى النوع الاخر من القارئ اللى مش عجبه الصور احب اقول لك يبقى انت بقالك فترة متفرجتش على ديكورات حديثة لانك لو كنت متابع حتعرف ان المصفى اللى فى السقف و السرير اللى معمول منه كرسي هما اخر صيحة فى عالم الديكور و كمان بيتباع غالى جدا و دى بعض النماذج و انا كمان محبتش أكتر بس لو عايز تشوف أكتر النت مليان و عمو جوجل مش بيبخل على حد بحاجة .....

يومكم سعيد