محدش شاف

محدش شاف

مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف و يقعدهم من خجله منهم ..... تخيلوا لو حب يعمل نفس الاغنية على الممثلين و المغنين بتوع اليومين دول يترى كان حيتريق و يقول ايه و يعمل ايه ؟؟؟؟؟

الحقيقة انا مكنش ده هدفى فى بداية كتابة المقالة دى بس الواحد يقول ايه القلم ساعات بيحود و هو بيكتب .... بس فعليا هو سؤال ذكى .....… كان فعلا حيقول ايه ..... انا على ما أظن انه غالبا مش حينطق خالص ممكن يكتفى انه يقلدهم و هما بيتصروا سيلفي الصبح على السجادة الحمرا فى مهرجان السينيما و لبسين المقطع و المفتح و بعد الظهر بيعيطوا و يسحوا من غير مكياج فى عزاء معالى زايد ..... بصوا كل واحد حر فى لبسه و اقتنعاته مدام مش بيتدخل فى تصرفاتى و قنعاتى لكن لما تكون كل واحده مزة من دول مش سايبة و لا فتفوتة مدارية فى جسمها و عندها اثرار انها تظهر كل مفتنها (على الرغم من انها لو لبسة ازدال حتبقى موزة بردوا ) و بعد كده يشفوها الرجالة و يبصوا على مرتاتهم فى البيت و يروحوا يتفوا على اللى قاعدة جنبهم او تأثر على الشباب اللى اساساً من غير حاجة مش قادر يمسك نفسه و ينزل يزيط و يتحرش بحجة الممثلة.... يبقى لا بقى ستوب لحد هنا و كت كده انتى فعليا دخلتى فى حياتى و أثرتى فيها و عليها و بقى من حقي انى اعترض و بشده على اللى انتى بتعمليه .......معايا و لا ايه 

يعنى الحلوة اللى شدة الستارة الخفيفة بتاعة الطرقة و رحت لبساها و نزلت تغنى ده ممكن نسميه ايه الفستان من غير بطانة اساسا محدش يقنعنى انها كانت لابسة طبقة تحت الستارة لون الجلد لان حتى لو فيه فبردوا كانت باينة عريانة ..... و بعدين انتى مصممة تورى الناس ايه هما اساسا مقتنعين و متأكدين تمام التأكيد انك قمر فى كل حتة مش محتاج تثبتي حاجة ....... 

و طبعا كل ممثلة من دول بقوا بيتنفسوا مين يقلع اكتر و يتصور سيلفي و ينزل صورة على الاينستجرام و جرايد و المجلات وراهم على طول ينزلوا الصور تحت منشيت "محدش شاف" ..... انا من رأي افتح موقع اسمه محدش شاف لفضايح النجوم ..... و على فكرة حتنتشر جامد و تكسب ذهب لاننا للأسف بنموت فى الفضايح ......

عموما صباحكم سعيد و جمعة مباركة

#هيفاء_وهبي

#ستار_أكاديمي

#ليالينا 

#مشاهير