المشاركات الشائعة
-
اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول ... -
مساء الخير ممكن أقول حاجة بسيطة مش معنى ان سما اترشحت يبقى كسبت مش معنى ان السبكي بيتكرم يبقى هو ده الصح مش معنى ان فيه كلب مات و ... -
مقالة اليوم هى مقالة هزلية لا تمت للجد بصلة فلو قاعد فاضي و عايز تضحك معانا يبقى كمل قراية اما لو كنت بتدور عن مشاكل سياسية يبق... -
- الدعاء : " اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه ولا تجعله ملتبسا علينا فنضل واجعلنا للمتق... -
أحدث مقولة انا قلتها بتقول : قول اللى فى نفسك بصوت عالى ثم أخرس تخيلو لو كل واحد يعمل بالمقولة دى حنرتاح لكن احنا بنفضل نقول اللى احنا عاي...
-
مقالة النهاردة مستوحاة من الصورة دى ..... انا مش عارفة اصلا مين اللى كتبها بس اللى كتابها عنده حق الناس دايماً بتدور ازاي تكتشف ال... -
نفسك تجربي اكلة جديدة من اللى بيجوا فى التلفيزيون بس جوزك مش موافق علشان دقة قديمة يبقى استني مع اول خناقة جاية و اطبخيها و هو علش... -
محدش شاف مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف ... -
هل اكتشفت ان لديك عقيدة؟؟؟؟ عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تع... -
ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاج...
التاريخ
الأحد، 9 نوفمبر 2014
كل حاجة فى مصر المحروسة يتعمل عنها مجلادات ما بين قصص قصيرة الى قصص طويلة و لكن الاكيد انه يتكتب فى مجلادات ، حتى انا نفسي فعلا اشوف عمو التاريخ ده حيعرف يفهم ايه الاول و بعدين يسجل قد اية من الكلام ده ؟؟ لان احنا نفسنا اللى عايشين فيه مش فاهمين حاجة خالص !!!!!
من عجائب ما كتب فى الكام يوم اللى فاتوا ....... بس قبل ما اقول لكم عايزكم تسرحوا معايا بخيالكم و تتخيلوا نفسكم قاعدين ع قهوة بلدى و بنضرب كلنا حجرين شيشة محترمين و بنعمل اعلى دماغ ..... ها تخيلتم جاهزين يلا كل واحد يسحب ساحبة من الحجر كركركركركركر بقبقبقبقب اكتم ...تمام وأقرا معايا الخبر ده :
ذبح عائلة سورية مسيحية تابعة لبشار الاسد ....... ها تفهم ايه ......؟؟؟؟؟ طبعا لاول وهلة تقراء فيها الخبر تقول اللى قتلهم حد من اتنين يا ناس مسلمين متشديدين فا قتلوهم علشان يعملوا فتنة او يأما حد تابع للجيش الحر فى سوريا قاتلهم علشان ميولهم السياسية .... فا طبعا اى حد بعد ما شد الحجارين معايا لازم يقول "يعنى هما كده كده كانوا لازم حيموتوا لان فى صفات صعبة كتير" .... المهم الحقيقة و اللى ممكن تكونوا قراتوها انهم اكتشفوا ان ابن احد القتلى المدمن للمخدارات قتلها بعد ما خالوا شاتموا قدام الناس بعد ما عرف انه ضرب امه اللى هى اخته ...... عفوا طبعا مش دى النهاية رغم انها تمشي لكن اتارى القصة دى الشرطة الذكية اللى عندنا فى مصر عملت كده قال ايه علشان توقع المجرم اللى طلع ....... استنوا اسحبوا نفس كمان علشان اللى جاية دى شديدة شوية .... كركركركر بقبقبقبقبق اكتم ..... طلع عشيق الزوجة المقتولة ........ انا عجبنى ان البوليس مع التطور التكنولوجى اللى احنا فيه لسة بيستعمل نفس الحيل القديمة هى هى و اللى هى انهم نزلوا خبر القبض ع الابن علشان يظهر العشيق ....... السؤال بقى هل هما كانوا فعلا قصدنها و لا هى جائت معاهم بالصدفة كركركركركر بقبقپقبقبق......
عموما نظرا لان البوليس نسب الفيلم ده لنفسه و قال انه كان قاصد خلاص يبقى هو اللى كلامه صح محدش يقدر يكذبه ........
اخرت الكلام الكتير ده انه متأخذش الموضوع بعنوانه و تبنى عليه ارائك لان العنوان ما هو الا اداة جذب فقط .... فعلشان كده انا مش بكتب عناوين لانك غالبا حتسيب المضمون و تتكهن المكون من العنوان فقط ..... حويطة انا صح بقبقبقبقبق عفوا كركركركر الاول و بعدين بقبقبقبقبق :))))))) لول
Comments[ 0 ]
إرسال تعليق