طيارة على الواقف 😉

فاكرين الخبر بتاع امبارح اللى كنت بتكلم فيه عن طائرات فيها كراسي عائلية .... عموماً لو لم تقرائه اللينك اهوه:

طائرات العائلة :)

ده كان تصور من شركة Thomson لانها شركة سياحية و عايزة تعمل حركات و كدة .....لكن اهلاً بك على ارض الواقع و اتفرج على تصميم تخيلي بيفكروا يعمله فى طائرات الشاتر بص اى التى تستخدم فى الرحلات قصيرة .... من الاخر ده كرسي واقف بيفكروا يعمله علشان الطائرات تكفي ناس اكتر قال يعني الكرسي اللى الناس بتقعد عليه مريح اصلاً علشان يصغره و يعمله ذي ألة التعذيب ...... حنقول ايه غير حتروحوا من ربنا فين يا ظلمة ....

هما طبعا بيقولوا كده حتوفر كتير فى ثمن التذكرة بس انا شايفة ان الفرق انت حتدفعوا علاج و دهان للظهر و يمكن توصل لحزام ظهر بس انا احنا فى انتظار تأكيد انهم فعلاً حينفذوا الفكرة لانها حتى الان ما هى الا أفكار و لكن انا جبتها علشان تعرفوا المستقبل المشرق اللى فى انتظارنا .....

ملحوظة:

 احب اشكر كل اللى بيتابع البلوج بتاعى و ارجوا انى لا أكون ضيف ثقيل على يومكم..... لو تحبوا تتابعوا دايماً كل ما هو جديد على البلوج ففى خاصية اشتراك الايميل حالياً هى شغالة و بتبعت تخطركم بكل ما هو جديد و لو مش حابين تضيفوا الايميل يبقى زوروا البلوج كل يوم حتلاقوا موضوع جديد..... و فى بردوا خاصية الاقتراحات اللى بترسلها لى على طول لو عايزين تقترحوا او تعترضوا على اى موضوع ...... و أخر حاجة حابة اقولها ان في التعليقات تحت كل مقالة بردوا لابداء ارائكم اللى فعلا حابة انى اسمعها

#طائرة

#الرئيس

#مشاهير

#مصر