المشاركات الشائعة
-
اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول ... -
مساء الخير ممكن أقول حاجة بسيطة مش معنى ان سما اترشحت يبقى كسبت مش معنى ان السبكي بيتكرم يبقى هو ده الصح مش معنى ان فيه كلب مات و ... -
مقالة اليوم هى مقالة هزلية لا تمت للجد بصلة فلو قاعد فاضي و عايز تضحك معانا يبقى كمل قراية اما لو كنت بتدور عن مشاكل سياسية يبق... -
- الدعاء : " اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه ولا تجعله ملتبسا علينا فنضل واجعلنا للمتق... -
أحدث مقولة انا قلتها بتقول : قول اللى فى نفسك بصوت عالى ثم أخرس تخيلو لو كل واحد يعمل بالمقولة دى حنرتاح لكن احنا بنفضل نقول اللى احنا عاي...
-
مقالة النهاردة مستوحاة من الصورة دى ..... انا مش عارفة اصلا مين اللى كتبها بس اللى كتابها عنده حق الناس دايماً بتدور ازاي تكتشف ال... -
نفسك تجربي اكلة جديدة من اللى بيجوا فى التلفيزيون بس جوزك مش موافق علشان دقة قديمة يبقى استني مع اول خناقة جاية و اطبخيها و هو علش... -
محدش شاف مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف ... -
هل اكتشفت ان لديك عقيدة؟؟؟؟ عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تع... -
ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاج...
اصلى انا اتعرفت على ......
الاثنين، 24 نوفمبر 2014
الجملة دى الحقيقة لازم يتعمل لها حظر لان نص مصايب العالم بتحصل ان حد اتعرف على .... بس خلاص لو انت متهم فى قضية لازم تبدأ بالجملة دى انا بتهيألى الظابط او وكيل النيابة مش حيكح معك بعد الجملة دى خالص حيبقى عايز اسمه و بس.....
حتى الشباب اللى كانوا بيعترفوا لأسامة منير او لبثينة كامل عن مصايبهم كانت المشكلة بتبداء اصلى انا اتعرفت على .....
دايماً مشاكلنا بتبداء لم بنقرر ان احنا نسلم دماغنا لحد تانى .... بمجرد ما تفقد السيطرة على تفكيرك ابسط حاجة ممكن تحصلك هو انك تروح فى داهية و ساعات فى دنيا الواقع بتفقد حياتك او اعز ما تملك .....
تعالى نبص بشكل عملى جرب مرة تسأل واحد صحبك لسة مطلق و اسئله طلقت ليه حتلاقي الاجابة بمنتهى "البساطة اصل انا اتعرفت على امى اللى فهمتنى الحياه" او " اتعرفت على واحد و لقيت مراته مش بتعمل فيه اللى مراتى بتعمله فيا " و نفس الكلام للستات ليه يا بنتى طلبتي الطلاق " اصلى اتعرفت على واحدة و اخذت برائيها انى مستحملة كتير بدون داعى " او " اتعرفت على واحدة و اكتشفت انى خايفة من الطلاق و هو مش حاجة وحشة"
لا هو حاجة وحشة و بيروح ضحيتها الاف من الاطفال كل سنة بس ده مش موضوعنا دلوقتى .....
كل سنة الاف مؤلفة من الارواح البريئة بتروح بسبب انهم اتعرفوا على ناس مسحت لهم الزاكرة و حطط مكنها طبق مهلبية بالمكسرات اسمها المدينة الفاضلة اللى فعلياً مش موجودة .... حتى لو من غير قصد بس دايماً بتلاقي الكلام بيبداء "انت عجبك حالك اكيد لا يبقى اسمع منى الكلام ده" مش معنى كده ان الناس دى كلها وحش بس للأسف الوحشين هما الاغلابية اليومين دول .....
علشان كده دايماً خلى دماغك ليك و متسلمهاش لحد و أتعرف على ناس ده شئ طبيعي ما احنا مش عايشين فى الدنيا لوحدنا بس دايما حكم عقلك و قلبك قبل ما تمشى ورا كلام اى حد و خلاص ......
و فى النهاية احب اشكر كل اللى بيتابع البلوج بتاعى و ارجوا انى لا أكون ضيف ثقيل على يومكم..... لو تحبوا تتابعوا دايماً كل ما هو جديد على البلوج ففى خاصية اشتراك الايميل حالياً هى شغالة و بتبعت تخطركم بكل ما هو جديد و لو مش حابين تضيفوا الايميل يبقى زوروا البلوج كل يوم حتلاقوا موضوع جديد..... و فى بردوا خاصية الاقتراحات اللى بترسلها لى على طول لو عايزين تقترحوا او تعترضوا على اى موضوع ...... و أخر حاجة حابة اقولها ان في التعليقات تحت كل مقالة بردوا لابداء ارائكم اللى فعلا حابة انى اسمعها.......
#مشاهير
#مصر #تونس #اليمن #السعودية #الرئيس #لبنان #فلسطين #الاردن #الامارات #دبي #المغرب #الجزائر # السودان #العراق #سوريا #زواج #طلاق #حشيش
Comments[ 0 ]
إرسال تعليق