ماذا لو ......

هل فكرت فى مرة مع نفسك كدة وانت بتشوف مظاهرة او سامع هتاف او حتى شفت الكلام ده فى التلفيزيون و لقيت نفسك بتقول " هى الناس دى بتاكل ايه ؟؟؟" و لا " العالم دى شاربة ايه بالظبط " 

قبل ما تشتموا اسمعوا كلامى للأخر ..... بص الناس دي لا شاربة و لا واكلة و مش شرط تكون عميلة و وارد جداً انها تكون ناس طبيعية ..... بس قبل ما اوضح اكتر هل انت اخدت بالك انهم تقريباً كلهم فى نفس المرحلة العمرية .... اغلبهم من مواليد الثمنينات و طالع هل فكرت مرة ليه السن ده بالذات ؟؟؟؟؟؟

ها مين حيجاوب ؟؟؟؟

اتفضلوا انا سمعاكم....

ايوة اتفضل حضرتك بتقول علشان هما جيل فاشل ...... لا يا فندم ما تجمعش ......طيب خلونى انا اجوب الاجابة اللى توصلت لها مؤخراً ....

بصوا الجيل ده كله أو السن اللى من اول ٣٠ لما هو اقل ... كلهم بتجمعهم حاجة واحدة و هى الكارتون بس و نقطة و فصلة و انتهى الكلام ..... الجيل ده كله اتعلم على التلفيزيون الملون اللى بيعرض توم و هو طول اليوم بيجري ورا جيري و عمال يرمى عليه سكاكين و قنابل و عمره ما بيموت .... و على باجز بانى اللى كان الصياد بيحط فى قلبه المسدس و رغم كده الارنب باجز عمره ما مات او خاف منه ...و مزنجر و ما ادراك ما مزنجر .... سمعاك يلى فى الاخر بتقول عليا بهيس ....طيب و ربنا لا .... لان ده واقع طبعاً الاغلبية حتقول هو انتى كمان حتقولى ذى التلفيزيون انهم عملاء و خطة مرسومة من زمان علشان تدمر الوطن العربى و الكلام الكتير ده ..... لا انا مش حقول غير انه كل ده غير مقصود بس هما للأسف ممكن يكونوا فعلا سبب ....

انا الحاجة الوحيده اللى مصدقها من التلفيزيون هو موضوع البرمجة العصبية و ان فعلا من خلال مشاهدة مشاهد متكررة لنفس الموضوع بتولد نوع من تخزين الفكرة و النتيجة انك ممكن تطبقها عملى او على ابسط مثال انك مش حتحس انها حاجة غريبة ..... ذي ما انت طول اليوم لما بتسمع عن التحرش و اشكاله و انواعه جواك بتلاقي صوت شيطاني بيقولك طيب و انا معملش انا كمان كده ليه ما الناس كلهم بيعملوا كده ...... 

فا نفس الشئ حصل مع أطفال هذه الحقبة من الزمن بسبب الهواه اللى عملوا لهم تلك الكرتون .... و اكبر دليل على كدة ان الكارتون ده بيذاع على مستوى العالم .... و سمعاك بتسأل انا عرفت منين انهم هواه لان ببساطة حتى يومنا هذا و رغم زيادة طلب شهدات قبل التعين فى مؤسسات اللى بتعمل لعب الاطفال ذى ديزني و تويز ار اس( toys R us) الا ان فى لعب غريبة بينتجوها للأطفال و ده أكبر دليل ان احنا اطفلنا بيتعلموا من أخطاء الاخرين .....

محدش معصوم من الخطاء و فالاغلب كل اللى احنا عايشين فيه ده نتاج اخطاء اخريين غير محترفين لان طبعاً كل الكرتون القديم ده كان من هواه غير دارسيين على عكس اللى داريسين دلوقتى و بيعملوا كارتون اسواء و حتى لعب بعضها أفشل ..... شوفوا الفيديو التالى دليل على فساد العقول فى العصر الحديث .... الفيديو ده من برنامج الين ديجينرس و كانت عاملة الفكرة دى عن بعض اللعب الخاطئة التى تنتج فى الولايات المتحدة و حاليا فى الاسواق الفيديو ممكن تكون فيه بعض الكلام الخارج او ايحأت غير لائقة بس ده كله من المعانى التى تعنيها اللعب( الفيديو داخل الخبر )

Ellen Degeneres

و ختاماً احب انى اقول ان الجيل اللى شاف الكرتون بتاع باجز بانى و توم وجيري عمل ثورات فما بالكم بالجيل الحديث اللى بيلعب العاب الستراتجي و ضرب و دبح و فعلياً شاف دماء بتسيل بالهبل فى التلفيزون و فى الواقع تفتكروا حيعملوا ايه لما يكبروا ؟؟؟؟؟؟؟؟ 

لو حد عايز يقولها بصوت عالى يتفضل يكتبها فى التعليقات ...... و ممكن تكتب كاضيف من غير ما تكون مشترك او لك ايميل على الجيميل....

و  فى النهاية احب اشكر كل اللى بيتابع البلوج بتاعى و ارجوا ان اكون مش ضيف ثقيل على يومكم..... لو تحبوا تتابعوا دايماً كل ما هو جديد على البلوج فا فى خاصية اشتراك الايميل حالياً هى شغالة و بتبعت تخطركم بكل ما هو جديد و لو مش حابين تضيفوا الايميل يبقى زوروا البلوج كل يوم حتلاقوا موضوع جديد..... و فى بردوا خاصية الاقتراحات اللى بترسلها لى على طول لو عايزين تقترحوا او تعترضوا على اى موضوع ...... و أخر حاجة حابة اقولها ان في التعليقات تحت كل مقالة بردوا لابداء ارائكم اللى فعلا حابة انى اسمعها....