ولادك محتاجين دول لمستقبل افضل

عايز تعمل حاجة علشان مستقبل ولادك يبقى أقرا الكلام اللى جاى ده لانه مهم:

مش حقول ابني ابنك قبل ما تبني له لكن حقولك ان النصايح اللى جاية دى لحياة أسرية أفضل

اولا صور عيالك و هما اطفال و ربط الصور ببعضها عن طريق التصوير فى نفس المكان لان فكرت الصور دى حنعملها فى كذا حاجة و بما انهم مش بيقتنعوا ان ده كان شكلهم و هما صغيرين و انهم كانوا اصلا صغيرين فا ربطهم ببعض يمكن يفهموا...

ثانيا صور عيالك و هما بياكلوا كل اصناف الاكل لانهم لما بيكبروا و يبطلوا يكلوا لازم تجيب لهم الصور دى و تحطها فى عنيهم علشان يرضوا يدوقوا الاكل ده تانى و تفكرهم بالذي مدى و كمان اثبات ان الاكل ده غير مسمم و مدام عاشوا بعد اكله قبل كده يبقى فيه امل انهم يعيشوا تاني .....

ثالثاً صورهم و هما لبسين كل اللوان و هما صغيرين علشان لما يكبروا و يقفوا عند لون واحد ذى البنات pink و الولاد blue

تقدر تثبت لهم بالبرهان القاطع ان كل اللوان حلوة عليهم 

رابعاً صورهم مع قرايبهم و بالذات اهل ابوهم لان لما يكبروا حيكرهوهم .....معرفش ليه بس دى سنة الحياة فالصور دى ممكن ترقق قلب الاهل و الاولاد على بعض قدام 

خامساً دى للى عندها بنات صوريهم بكل تسريحات الشعر علشان حيرفعوا ضغطك قدام فى الاخترعات فعلى الاقل يبقى عندهم كتالوج ينقوا منه 

سادساً هى الأهم و الاخيرة صورهم و هما بيبسوك و خصوصاً الولاد علشان الحاجات دى بيبطلوها لما بيكبروا ... فالصورة دى حتفكرهم بحبكم و بحهم لكم .... :)

من واقع خبرة ام مطحونة  :))