المشاركات الشائعة
-
اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول ... -
مساء الخير ممكن أقول حاجة بسيطة مش معنى ان سما اترشحت يبقى كسبت مش معنى ان السبكي بيتكرم يبقى هو ده الصح مش معنى ان فيه كلب مات و ... -
مقالة اليوم هى مقالة هزلية لا تمت للجد بصلة فلو قاعد فاضي و عايز تضحك معانا يبقى كمل قراية اما لو كنت بتدور عن مشاكل سياسية يبق... -
- الدعاء : " اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه ولا تجعله ملتبسا علينا فنضل واجعلنا للمتق... -
أحدث مقولة انا قلتها بتقول : قول اللى فى نفسك بصوت عالى ثم أخرس تخيلو لو كل واحد يعمل بالمقولة دى حنرتاح لكن احنا بنفضل نقول اللى احنا عاي...
-
مقالة النهاردة مستوحاة من الصورة دى ..... انا مش عارفة اصلا مين اللى كتبها بس اللى كتابها عنده حق الناس دايماً بتدور ازاي تكتشف ال... -
نفسك تجربي اكلة جديدة من اللى بيجوا فى التلفيزيون بس جوزك مش موافق علشان دقة قديمة يبقى استني مع اول خناقة جاية و اطبخيها و هو علش... -
محدش شاف مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف ... -
هل اكتشفت ان لديك عقيدة؟؟؟؟ عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تع... -
ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاج...
كووول كوبل ٢٠١٥
الثلاثاء، 11 أغسطس 2015
دليلكم لتكونوا كوووووول كوبل ٢٠١٥
رقم ٢ ستبهركم
How to be coool couple 2015
١. نبداء بفترة التعارف .... الفترة اللى قبل ما الناس تعرف ان فى بينكم اى حاجة .... لازم تتفقوا على لون موحد تلبسه كل مرة و انتوا حتتقبلوا مع اصدقائكم المشتركين علشان الكل يحس قد ايه انتم شبة بعض و لايقين على بعض و ان لو حصل بينكم حب حتبقوا كووول😉😉
٢.بعد ما تتقدم لاهلها و تتقبل لازم تعمل لها تانى يوم في اي حتة زحمة ذى في الجامعة او الشغل او حتى النادى و كل ما المكان زحم حتبقوا كوووول
اكتر المهم تجيب فرقة تعزف و حبة بلونات و تنزل على ركبك و هى تعمل متفجأة ( قال يعني هى مش عارفة رغم انها ضاربة الطقم اللى على الحبل😉)
و بكدة انتم اخذتم ختم الكول الابدى بس لسة خطوة كمان
٣. طبعا دخلنا في الجد و العين بقت عليكم و التركيز بقى اكتر علشان يتأكدوا انكم لسة تستهلوا اللقب فلازم و حتما و ضرورى انكم تعملوا راقصة حركات في الخطوبة
طبعا اغنية الخطوبة اجنبي علشان انتم ناس كلاس و كوول
٤. في الفرح بفى تانى راقصة اشد لكم انتم و الاشابين و هنا لازم تكون الاغنية هابطة و كل ما كانت اهبط اكتر كل ما كان درجة الكوول اكتر علشان انتم مش متعاليين على اصحبكم الغلابة اللى مش حيفهموا الاجنبي فعلشان كدة انتم كوول و متواضعين
و اهم حركة بقى من ده كله علشان تاخدوا الجايزة الاولى هى اهداء اغنية مخصوص من العريس لأمه و لازم يحلق للعروسة علشان كل ستات العوجيز في الفرح يشهقه و يقوله الله على الجمال يبقى كده العريس 😇😇 دخل كلوب العواجيز كمان..
طبعا بالنسبة لاهل العروسة و بالاخص ام العروسة مش حنعمل لها اغنية و لا حاجة ؟؟؟
احب اجاوب بلا لان العروسة كدة كدة حتحلق غصبن عنها لاهلها بعد الجواز و الا حيقولوا عليها امها موصياها 😔
٤. تجديد الاشتراك في الكوول كلوب عن طريق كل عيد ميلاد لاولادكم 🎉🎉🎂يتعمل في قاعة لازم في قاعة ان شاء الله في قاعة تحت السلم و بالقسط و سلفين القسط معلش دى حاجة مهمة و مينفعش والا مكنكم حيروح و حتخسروا كل اللى انتم عملته 😁😁
٥. اخر خطوة هى انكم بعد خمس سنين جواز تعملوا فرح تانى علشان قال يعني توهموا الناس انكم لسة بتحبوا بعض و لسة كووووول بس احنا طبعا عارفين اللي فيها 😆😆😆
بقلم
نهى مجدى سالم
Comments[ 0 ]
إرسال تعليق