Home » Archives for يوليو 2015
المشاركات الشائعة
-
اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول ... -
مساء الخير ممكن أقول حاجة بسيطة مش معنى ان سما اترشحت يبقى كسبت مش معنى ان السبكي بيتكرم يبقى هو ده الصح مش معنى ان فيه كلب مات و ... -
مقالة اليوم هى مقالة هزلية لا تمت للجد بصلة فلو قاعد فاضي و عايز تضحك معانا يبقى كمل قراية اما لو كنت بتدور عن مشاكل سياسية يبق... -
- الدعاء : " اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه ولا تجعله ملتبسا علينا فنضل واجعلنا للمتق... -
أحدث مقولة انا قلتها بتقول : قول اللى فى نفسك بصوت عالى ثم أخرس تخيلو لو كل واحد يعمل بالمقولة دى حنرتاح لكن احنا بنفضل نقول اللى احنا عاي...
-
مقالة النهاردة مستوحاة من الصورة دى ..... انا مش عارفة اصلا مين اللى كتبها بس اللى كتابها عنده حق الناس دايماً بتدور ازاي تكتشف ال... -
نفسك تجربي اكلة جديدة من اللى بيجوا فى التلفيزيون بس جوزك مش موافق علشان دقة قديمة يبقى استني مع اول خناقة جاية و اطبخيها و هو علش... -
محدش شاف مغلطش منير مراد لما عمل أغنية محدش شاف علشان يتريق بها على الممثليين و المغنين بتوع زمان اللى كان الاحترام يقف ... -
هل اكتشفت ان لديك عقيدة؟؟؟؟ عايز تعرف مدى تدينك يبقى سافر و اتغرب او الافضل هاجر لدولة غير ناطقة باللغة العربية و ساعتها حتكتشف مدى تع... -
ايوة اوعى تبص للصورة ...... و على فكرة انا سمعة عقلك الباطن بيقول "ملها دى الصورة مفيهاش حاجة " هى لأول وهلة فعلا مفيهاش حاج...
كله في الهجايص
7:46 ص |#خدعوك_فقالوا
ان الغرب بيفهموا في الذوق و الديكور علشان كدة بيختاروا الحاجات البسيطة السيمبل
لكن الحقيقة انهم مجبر اخاك لبطل لان العفش هناك غالى جدا فارخص حاجة هى اللى مفيهاش فن خالص
و اغلبهم بيشتري مستعمل :)
ياااااا ساتر
6:03 م |ليه كل حاجة بنحبها عاملين لنا فيها عقدة ذنب كدة
تيجي تقعد على الفيس يقول لك قد يسبب الوحدة
وحدة ايه ده انا عندى فوق ٢٠٠ صاحب و كلهم ناس زى الفل
تيجي تاكل يطلع لك واحد يقول لك القطيفياية فيها ٤٠٠ سعر حرارى بقى دى فيها ٤٠٠ سعر حرارى حرام عليك يا شيخ ده احنا بنستناها من السنة للسنة
حتى الكحك بيقول لك ٤٠٠ دى قد المليم حتشيل ال ٤٠٠ فين بس
انت ترضى حد يقول عنك كدة اتفوا الله يا شيخ و بعدين اشمعنى انت بتاكل عادى ....صحتك مش مهمة و لا لازم تنكدوا علينا احنا
ايوة انا عرفت انت بتعمل كدة علشان سعر الكحك يرخص لما الناس تبطل تشترى
حتى المية معتقوهاش تشرب سبع كوبيات مية يقول لك لا لازم ٨ ..... ياااااا ساتر
ينصحون الناس و ينسون انفسهم .....خليكوا في حالكوا ... و ارحمونا من الذنب اللى مشيلهونا طول الليوم
عيد ميلاد سعيد :)
2:17 ص |كان زمان مع دخول شهر معين تلاقي المهتم يبداء يعد الايام و الليالي علشان مينساش عيد ميلاد الشخص المهم اللى في الشهر ده
ده في ناس وصل بها الحال انها تكتب التاريخ على ايدها علشان متنساش
واول ما تدق الساعة ١٢ تلاقي رسايل من كل بقاع الارض بتهنى
لكن
مع العصر الحديث و ظهور الفيس بوك و تحديداً ظهور خاصية الاشعارات ... محدش بيهتم بالتواريخ و لا المواعيد كله مستنى الاشعار
اه الاشعار اللى يقول له ان فلان عيد ميلاده النهارده قوم قل له كل سنة و انت طيب
ده الا شعار بيكلمك كأنه امك اللى بتعلمك الواجب و بيقول لك قوم اكتب له حاجة ده النهاردة عيد ميلاده
الاشعار اللى لو ملحقتهوش في وقته حيروح منك اليوم و يروح معاه العيد الميلاد
حتى اصبحت حجة للازواج :
- مفتكرتش عيد ميلادي ليه يا حبيبي 👿
= اصلي مشفتش الاشعار يا حبيبتي 😁😁
عموما انا مسامحة كل اللى مفتكرش عيد ميلادى مش علشان رمضان لا علشان انا معرفتش انه عيد ميلادى غير من الاشعار 😂😂😂
الافلام العربي ام الاجنبي
4:15 م |
من فترة شوفت فيلم جوازة ميرى ( فيلم مصري) و شوفت فيلم This means war (فيلم امريكي )
طبعا المصرى مأخوذ من الاجنبي
و الفيلم الامريكي كان من الافلام الحلوة جدا اللى شفتها ... فيلم رومانسي و كوميدى و الاكشن خفيف و لكن حلو و اقدر ادى الفيلم بشكل عام ٧ من عشرة لان كان فيه بعض الاسقطاط و لكن مجمله حلو
الفيلم المصري التقليد من انتاج السبكي
انا في تخيلي اللى حصل كا الاتى
- المخرج " ايه رأيك يا باشا في الفيلم ده .. انا بفكر نعمل واحد زيوه"
- السبكي " حلو جدا .. اهو نجيب ياسمين عبد العزيز تتنطط في الفيلم و معاها كام واد من بتوع اليومين دول وكام نكتة على كام اغنية و نولع السينمات الصيف ده "
بس خلاص و اتعمل الفيلم من غير جوهر و من غير موضوع و من غير تصوير حتى
السؤال بقى هو من قلت القصص المصرى بنروح نستلف قصص من برا و لا المخرج و المنتج المصرى مش بيعرفوا يقروا ؟؟؟
و طبعا باين الفرق بين الفيلمين من شكل القفيش 😆
#ياسمين_عبد_العزيز
#السبكي
#مصر
#امريكا
الشغل بهدلة
4:15 م |استنى متحكمش على اللى حكتبه من الصور😁
لان الكلام عندى غير اى كلام
بغض النظر عن معتقدات كل واحد فيهم او عن مدى اقتناعه بلى بيعمله لكن انا شفتهم من زاوية تانية من زاوية ادارية و التى هى ان مدراء الاخ و الاخوات صعبين جدا و ان اكل العيش مر
#ليه_تاكل_عيش_لما_ممكن_تاكل_جاتوه
#الحياة_صعبة
