يا جودعان ال wall بتاع الفيس مش حيطة من حيطان بيتكم علشان كل حاجة بتحصل في بيتكم تتعلق عليه .... الناس بقيت اوفر على الفيس ضحكوا يكتبوا انهم ضحكوا عيطوا يتصوروا و يحطوا الصورة .... انا مش فاضل غير اعرف مين عنده صبع مدوحس غير كدة انا عارفة كل حاجة 

عارفة مين ضحك مع مراته امبارح و مين نيامها معيطة 

عارفة كل واحد اتغدا و شرب ايه امبارح 

عارفة مين ولادة طلعوا بيضحكوا علينا و نجحوا رغم ان امهم كانت بتقول انهم مش بيزاكروا

عارفة مين حد عنده اتجوز ولد و اتفسح و مات و حتى مات و حط راسه يمين و لا شمال كل ده انا عارفاه الفيس بقى عامل زى الحارة الضيقة اللى كل سكانها و قفين في البلكونة بيحكوا قصة حياتهم 

على فكرة احنا في معانا ناس غريبة حافظوا على خصوصيتكم شوية مش كدة 

Read more…

أحدث مقولة انا قلتها بتقول :

قول اللى فى نفسك بصوت عالى ثم أخرس 

تخيلو لو كل واحد يعمل بالمقولة دى حنرتاح  لكن احنا بنفضل نقول اللى احنا عايزينه بصوت عالى شوية كتير لحد ما عدد المستمعين يقل و بعدين نبداء نقولها بصوت أعلى و اعلى يمكن حد يسمع لكن مفيش استجابه و رغم كده مش بناخذ بالنا ان يمكن ده وقت السكوت لا بالعكس بنستمر في الكلام .... لوك لوك لوك يمكن العيار اللى ما يصبش يدوش .....

الكلام عام و غير موجه لحاجة محددة بس هو ينفع مع كل حاجة تيجي فى بالك ...

#الحياه_مش_برفكت واحنا مش لازم نعرف

Read more…