Home » Archives for مارس 2015

من هى الام؟؟

11:10 ص |
من هى الام؟؟

بصوا حتسمعوا كلام كتير و قليل عن الام بس الكلام عندى انا جديد

الام هى 
- اللى تشرب الشاي بارد و فيه زيتون عشان ابنها عايز  يعرف ايه اللى حيحصل للزتونة 
- اللى تضطر تغسل شعرها بصبون بدل الشامبو عشان طفل ظريف اخذ الشامبو يلعب به
- اللى تعمل كل اللى تقدر عليه عشان تلحق تلكل الاكل سخن لكن بدون جدوى عشان طفل قرر انه يدخل الحمام كل ما الاكل يتحط على السفرة
- اللى بتاكل اخر سندوتش ابو حشوا قليل و عيش مقطع عشان عارفة انه كله بياكل السندوتش اللى على سنجة عشر 
- اللى بتصحى تعمل دورية في نص الليل عشان حست بنسمة فا خافت حد من اولادها يكون عريان فا يبرد
- اللى عمرها ما بتاكل الاكلة اللى نفسها فيها عشان محدش بيحبها غيرها و تفضل تقول الاهم عندى انهم ياكلوا
- اللى تسهر اليالي تدعي لابنها انه ينجح و يخف و يتخن و يبقى سعيد و بتنسى تدعى لنفسها
- اللى بتذاكر المنهج كله عشان تعرف تبسطه لابنها يمكن يفهمه بسرعة
-اللى نفسها تخرج من غير ما لبسها يكسر و كأنها طالعة من خناقة من شيل ده و الجرى ورا دى 
- اللى نفسها تشوف فيلم على بعضه و تتفرج على مسلسل لاخره من اول مرة من غير ما ترجع تدور عليه تانى فى الاعادة
- اللى لما ابنها بيرتب اودته بتحس انها اخذت جايزة نوبل 
- اللى بتعمل كل ده عن طيب خاطر و عمرها ما بتفكر و لا بتطلب حاجة في المقابل
كل سنة و انتى طيبة
و اللى عنده اضافة يحب يضفها ياريييت تبقى نورتنا 

بقلمى
نهى مجدى سالم

Read more…

يوم المرأه العالمى

8:35 م |
و تبدأ المرأة يوم عالمى لها جديد
بصورة طفلة حزنها شديد
تعبر عنه برفع الايد
بأنى استسلم اليوم لكل من يمسك حديد
ان كان معلقة طعام او خنجرا سديد
فا ما عاد يفرق معى ان كنت باقية او شهيد 
اصبري يا سوريا فا اليوم عيد 

صورة بنت رفعة ايدها لم شافت الكاميرا افتكرتها مسدس

Read more…

أعمل الصح

11:18 ص |
مساء الخير
ممكن أقول حاجة بسيطة
مش معنى ان سما اترشحت يبقى كسبت
مش معنى ان السبكي بيتكرم يبقى هو ده الصح
مش معنى ان فيه كلب مات و ناس زعلت عشانه يبقى الناس مش حاسة بالانسان
مش معنى ان في ناس مش بتدفع حسنة قدامك يبقى هي مش اهل خير
مش معنى ان في حد جاب تسجيلات من بيتهم يبقى هي صح و نقعد نحكى و نتحاكى
مش معنى ان في حد بيحترم جيشه اللى نص ولادنا و شبابنا فيه يبقى هو عبد لحد
مش معنى ان في حد مع ان مرسي يطلع يبقى هو خاين و عميل
مش معنى انى مختلف يبقى انا استاهل الذبح
مش معنى انى زيك يبقى اشتم زي ما بتشتم
مش معنى ان في حاجات وحشة حولنا كتير يبقى هو ده أساس المجتمع و اتحول انا كمان و ابقى وحش
مش معنى ان الضوء يسلط على الغلط انه مفيش صح
الانسان لازم يعيش بأخلاق و يعمل من اجل مجتمع افضل .... و يبداء من نفسه و يعرف ان ربنا مراقبه و ان ربنا يمهل و لا يهمل ....
اتقوا الله وياريت كل واحد ربنا رزقه بوظيفة يراعى ربنا فيها و يعمل شغله بضمير و ارحموا نفسكوا بقى من الكسل اللى انتوا فيه ده .......


Read more…