الى كل واحد ما نعرفش اسمه او نعرف شكله.... الى كل رجل فى وسط المليون..... عمل كده لصاحبته عشان يطلب ايدها .... احب اقول له شكراً ..... ايوة شكراً بأسم كل رجل عديم المسؤولية و عديم الرأي من الاخر ....شكراً بأسم كل رجل مهزوز ...

عايز تعرف ليه لان بسبب الحاجات اللي بتحصل مرة واحدة بين كل ١٠ مليون شخص.... البنات الغلابة بتصاخب و ممكن تعيش مع صاخبها بالسنة و الاثنين و ساعات عشرة على أمل ان صاخبها يعمل لها كده ..... معلومة قبل ما أكمل انا غلطاتي في العربي كتير بس انا قاصدة اكتبها الكلمة بال خ مش ح .... المهم الحاجات دي هبلة البنات , الواحدة منهم ممكن تعيش مع صاخبها كل السنين دي بتصرف على نفسها و ساعة كمان بتحمل و تخلف كله مع نفسها اصله لسة مأخدش القرار انه يطلب ايدها للزواج ....

صحيح مصاريف الطلاق غالية هناك و حكاية يقسم كل حاجة بالنص ده مش بالساهل بس عايز أكتر من ٣ عيال ايه عشان تتجوز ... ايوة شفت بعيني محدش قالي!!! ٣ عيال بينهم و لسة مش عارف يأخذ قرار و طبعا مش حياخده .... المهم ان الست من دول معندهاش مانع تتعرف على أكتر من واحد لحد ما توصل للشخص الصحيح و تعيش مع الصحيح ده سنين لكن انها تأخذ خطواط انها هي اللي تطلب ايده لا مينفعش لا يجوز ميصحش .... فعلاً مش قادرة افهم الدماغ دى .... و لو عملت كده تبقى شاذة في تفكيرها لكن كل اللي بيعمله ده طبيعي .... و بعدين اول ما يفكر يتقدم الشك يملاه من نحية العيال و يروح يعمل DNA و يتأخر الجواز كمان سنين 

ما علينا اسيبكم مع بعض الفيديوهات اللي ممكن تكمل على البرج اللي فاضل عندكم

بس عشان لا أحمل ذنبكم لا تنسى ان تأخذ دواء الضغط قبل المشاهدة 

 

ده أول واحد يفقع المرارة

و ده بعد سبع سنين المفترى

https://www.youtube.com/watch?v=y74eCAp90xg

- و ده بردوا فى مطار .... و نتعلم من الفيديو ده انك لازم تلبسي عدل و أنتى مسافرة خصوصاً لما تكونى مصاخبة ;)

https://www.youtube.com/watch?v=BRRuQ5cM45o

-و دي كان نفسها فى بيتر بان

https://www.youtube.com/watch?v=HRlMURMTYPw

-و ده عمل لها الغاز

https://www.youtube.com/watch?v=Su_l8r3CqTM

-و ده في ملعب كورة

https://www.youtube.com/watch?v=WNfqB3toDh8

-و ده أتقدم لها فى غرفة العمليات

https://www.youtube.com/watch?v=28Wnkfe6o9k

الفيدوهات كتير دوروا و انتم تلاقوا أفكار 

Read more…

اللى قبلنا قاله تعرف الهايف ازاى ؟؟؟؟............ اللى يجي عند الهايفة و يتصدر .......... لكن احنا علشان فى العصر الحديث ممكن نقول اللى يجي عند الهايفة و ينشرها ......!!!

للأسف الولع بعدم خسارة الاعلانات اللى بيندفع عليها الملايين فبقى لازم يفضل البرنامج شغال بأى حاجة و على أى حاجة ... يعنى لازم البرنامج يتحشى بأى حاجة حتى لو تبن علشان البرنامج لا يقف و المشاهدة تستمر  و الاعلانات تكمل دفع... فا علشان كده البرامج او برامج التوك شو بمعنى أصح اللى بقوا كتير زيادة عن اللزوم المهم لازم يلاقوا حشوة كويسة كل يوم للسنداويتش الاعلامى اللى بيأكله للمشاهديين و بما أن بعد الثورة مبقاش فيه الخبر اللى يعمل الفرقعة فا بقى لازم اذا لم تجد الخبر تصنعه علشان كده ظهر لنا برامج اتكلمت فترة طويلة عن الالحاد كأنه ظاهرة يومية في حياتنا مع ان عدد الملحديين فى تعداد 90 مليون هو عبارة عن 833 شخص فقط يعنى دبوس فى كوم قش....

و اللى عايز يشوف كم البرامج اللى جابتهم.... ببساطة أكتب على جوجل كلمة ملحد و انت تشوف ........!! كل ده مع ان رد فعل الشعب المصرى للملحد ذى ما الفيديو ده بيوريك :

https://www.youtube.com/watch?v=uGJMANpaphQ

من الاخر غير مهتم 

و نكمل فى هيافت الاعلام .... ظهر واحد أسمه زين شبيه لباسم يوسف و بيعمل فيديوهات بردوا على الفيس بوك المهم انه عايش فى فرنسا و عمل فيديو عن ايه اللى حيحصل لو لبس لبس سوبر مان فى باريس الناس و الحكومة حتعمل ايه 

لينك الفيديو اهو.... و الحتة اللى بقول عليها في نص الفيديو تقريباً

https://www.youtube.com/watch?v=i3EdOa5AIgc

المهم ان رد فعل المجتمع هناك انهم حاجة من الاتنين و اللى هما يمحدش جيه جنبه و محدش عبره او السياح و قفه يتصوره معاه ...

لكن النسخة اللى فى مصر عمله ايه ؟؟؟؟؟

لبس واحد لبس سبيدر مان كا نوع من الكوميديا و الاعلان للى صوره و ادى اللينك بتاع الفيديو 

https://www.youtube.com/watch?v=LW6vTO5zMOc

لكن الاعلام المصرى ازاى يفوت حدث ذى ده؟؟؟؟ لازم يظهر على التلفيزيون لأنه ظاهرة .... صح و لا ايه ..... و لينك الفيديو اهو برنامج على CBC TWO

https://www.youtube.com/watch?v=RmH1SqLnots

 و بعدها ظهر تانى على برنامج فى  ON Tv

https://www.youtube.com/watch?v=m8CxMrOkfok

و اللى عجبنى فى كل برنامج هى قصيدة الشعر عن الاختراع اللى عمله ..... يجماعة و ربنا ما بحقد عليهم انا بس حيجرى لى حاجة انهم اللى عمله مش ابداع و لا أختراعات علشان كل ده ..........ز كل ده كوم و الكوم التانى هما البرامج و المواقع اللى لازم تجيب الجانب الانسانى الهادف من اى خبر أهبل ..... فتلاقي قناة المفروض انها أخبارية مهمة ذى Sky  news  عاملة تقرير عن الجانب الانسانى اللى لا يعرفه أحد و لا حتى اللى عمله الفكره نفسهم .... و بقوا عاملين كده علشان يرسموا البهجة فى قلوب الشارع المصرى ....و انه كا مصرى لازم يكون سبيدر مان لانه عايش في صعوبات الحياه و دفعوا 300 $ علشان  يشتروا الزى لهاذا الهدف النبيل ....... و اللينك اهو

https://www.youtube.com/watch?v=XO1jkuVVrtY

بصوا لما تيجو تقارنوا الشعب المصرى و الشعب الفرنسي اللى مضيعش وقته مع سوبر مان ذى ما أحنا ضيعنا وقت 3 برامج بالمعدين و المشاهديين علشان سبيدر مان ............ طبعاً حتقولوا أصل سوبرمان أقل أهمية من سبيدر مان .... D:

و نكمل مع الاخ اللى نزل سيتى سنتر لابس بطانية  علشان معترض على البرد ........

https://www.youtube.com/watch?v=-YfOYbjNhC0

و أصبح أسمه أبو بطانية و على ما فهمت ان الفكرة كان واحد فعلاً مخترعها الاول علشان الفقراء و لكن لم يشتهر غير لما التانى صاحب الفيديوهات على اليو تيوب نزل و أشتهر ساعتها ظهر التانى و بداء يأخذ مكانه فى الاعلام و ظهر على قناة التحرير و قناة المحور و ادى لينك بتاع قناة التحرير
https://www.youtube.com/watch?v=LCKFM51C6ws

بصوا مع أحترامى للأخوة بتوع البطانية بس أحب أقول ان الخير مش محتاج شو أعلامى علشان يبقى خير.... و كل يوم فيه ألاف من الناس بتجمع فلوس و تشترى بطاطين و توزعها للغلابة و الحركة دى مش هى اللى حتغطى الغلابة ....ما علينا 

و تكملة الاعتراضات عن مشاكلنا اليومية ..... هو صحيح مشاكلنا غير اى مشاكل فى الدنيا بس مش لازم الافورة كده على كل حاجة ذى اللى حصل فى اسكندرية لما المياة غرقت معظم شوارع سيدى بشر لحد مناطق قريبة من المنتزة و ساعتها كا نوع من أنواع الاعتراض نزل واحد يخمس بجت سكى .... اه و ليه لا مدام البطنية أعتراض على الساقعة و سبيدر مان أعتراض على المشاكل يبقى الجت سكى أعتراض على شبكة المجارى و طبعا لازم يظهر فى التلفيزيون و ينتشر على الفيس بوك صوت و صورة ....
و ادى فيديو الجت سكي
https://www.youtube.com/watch?v=F413JIdDdck

و ادى برنامج على قناة النهار عارض الفيديو

https://www.youtube.com/watch?v=Gi2wCWogPu4


و بكده أعلامنا يأخذ جائزة أكتر أعلام أوفر على وجه الارض و الله أعلم بردوا لان اللغات اللى مش بفهمها ذي الصيني ممكن يكونوا بيشتكوا منه بردوا :)


ملحوظة :
بكورة اعمالى المطبوعة حتنزل فى كتاب الحب في زمن الكاديلاك قريباً جداً فى معرض الكتاب أن شاء الله يوم 28 يناير فى جناح دار الحلم فى الصالة رقم 2 و 3 .... قصتى أسماها زواج تيك أواى .......... لن تندموا بعد أقتناء الكتاب :)

Read more…

ساد الصمت الممل على الجميع فى انتظار من يتكلم او يتنحنح او حتى يعتدل فى مقعده .. إلا انهم إلتزموا جميعاً بحصة طويلة من الصمت ينظرون تارة لبعضهم .. يبتسمون .. وتارة اخرى الى الارض .. محتارون .. وتارة اخيرة الى النجفة الضخمة فوقهم .. منبهرون!!

ومن خلف الستار شابة عشرينية تعقد حاجبيها فى غضب من هذا المشهد الدرامى المضحك .. فتزفر فى وجه اختها هامسة :

- مالهم وكأن على رؤوسهم الطير .. لا ينبسون ببنت شفه !!

تزفر اختها ايضاً وكأنها تنتقم من زفرة العروس فى وجهها قائلة:

- ابوكى هو السبب .. ظل يتحدث فى السياسة لمدة ساعة ونصف الساعة حتى اعياهم الحديث .. اقسم بالله لو أنهم انهوا اللقاء دون فتح موضوع الزواج .. لكان خيراً لهم من حديث الثلاثاء الذى لا ينفك اباكى من الخوض فيه بمناسبة ودون مناسبة

وخزتها العروس فى كتفها فى حنق قائلة:

- احترمى والدك حتى ولو لهذه الليلة

ثم رفعت يديها تدعو :

- ربى صبرنى صبر الفاتحين يااااارب

جذبتها اختها من ذراعها بلهفة :

- انصتى خطيبك على وشك الحديث

ظلا ينصتا للصمت الذى قطعه العريس المنتظر قائلاً:

- يشرفنى يا حاج .. أنى اتقدم لطلب يد كريمتكم الكبرى للزواج

انطلقت تنهيدة ارتياح من الجميع لهذا التصريح المتأخر .. الذى اعقبه استحسان وقبول وتبريك وتهانى من الجميع الى الجميع .. ابتسمت على اثرها الفتاتان .. وظهر على وجه العروس بعض الخجل الضرورى لهذه اللحظة .. لم تكد اللحظة تنتهى حتى طلب العريس رؤية عروسته .. كان طلبه متعجلاً وكأنه يخشى الافراط فى الفرحة الجمة التى اصابتهم .. ولكنه لم يثير حفيظة احد .. بل قابلوه بالترحاب الشديد ..

وفى حجرة منفصلة صافح العريس عروسته باهتمام وتفحصها بطريقة لم تختلف كثيراً عن فحص اجهزة فحص الهوية قبل ان يتحدث بقالب ابتسامته الهادئة قائلاً:

- قبل ما اعرفك على نفسى احب ان اتحدث عن ميولى واهتماماتى اليومية التى اتمتع بها الآن وبعد الزواج .. وهى لن تختلف كثيراً عن اهتمامات اى رجل مسئول عن بيت واسرة .. وبما اننى سأكون المسئول الاول والاخير عن حياة هذه الاسرة اذن يجب ان يخضع هذا الكيان الى تعليماتى التالية ...

إزدرد لعابه وقد ظهر القلق على وجه ام العروس الجالسة تستمع فى صمت الى زوج ابنتها فى المستقبل متابعاً:

- أولاً احب ان اتناول فطورى صباحاً قبل الذهاب للعمل .. فانا لا اتناول طعامى خارج البيت وهذا من التوفير .. وعندما اعود اجد الغداء جاهزاً ولا تتذمرى عندما استلقى نائماً بعد ارهاق اليوم الطويل .. ثانياً لا احب الخروج والفسح فهذا اسراف لا طائل منه .. ولا داعى للعزومات والزيارات ففيها مجاملات باهظة الثمن .. يكفى الاتصال والود .. ثالثاً ممنوع زيارة الاصدقاء للبيت او خارج البيت .. يكفى الاتصال بالهاتف ويرجو الا يكون طويلاً حتى لا انزعج من قيمة الفواتير .. رابعاً لا داعى للانجاب فى بداية حياتنا على الاقل لتجنب الوقوع فى مصاريف العلاج والتعليم مبكراً فضلاً عن اننى لا احتمل صراخ وعويل الاطفال .. واخيراً توفيراً لمصاريف الزواج نكتفى بدبلة وخاتم ولا داعى لحجز قاعة والمظاهر الفارغة .. فأنا رجل عملى بحت كما تلاحظين.

قالها .. وقد ارتسم الوجوم على وجه الفتاة وامها التى هى على تمام العلم ان ابنتها العزيزة لا يمكن ان تتكيف فى هذا الوضع الذى يعتبر مشين لفتاة تعشق الصخب والانطلاق وقلما تمكنت منها يوماً لاجبارها على ترتيب حجرتها او اعداد فنجاناً من القهوة لوالدها ..

شردت الأم وهى تنظر لابنتها التى اطالت التحديق بهذا الشاب الوسيم الأنيق الذى يعمل مهندساً فى احدى شركات البترول رغم بخله الصريح الذى اعلنه بهذه المحاضرة العريضة دون خجل وكأنه يتفاخر بهذا العيب الخطير فيه ..

مضت دقيقتين كاملتين من السكون القاتل فى انتظار انفجار وشيك من الأم او ابنتها ..

- موافقة ....

فجرتها كالصاعقة على رأس والدتها التى عقدت حاجبيها فى دهشة بالغة وحدقت فيها بحدة وكأنها تتأكد من كونها ابنتها المعهودة .. وابتسم الشاب الوسيم لهذه الموافقة المباشرة .. الا انه عقد حاجبيه إثر تعقيبها :

- ولكن بشرط ...

العريس فى قلق :

- ما هو هذا الشرط ؟؟

العروس فى ثقة :

- اعزمك خارج المنزل مرتين فى الأسبوع .. على حسابى

كان شرطاً غريباً فيه الكثير من التكليف .. ولكن لماذا؟؟ انطلق هذا السؤال فى ذهن الأم ولكن بلا اجابة شافية ونفس السؤال اطلقه العريس ولكن على لسانه مستفسراً .. فهزت الفتاة كتفيها قائلة فى بساطة :

- أرى انك ستحتاج بعد يوم عمل شاق بعض التغيير اللازم بالخروج فى اماكن عامة .. وقد اشفقت عليك من المصاريف الضارية .. فقررت ان تكون على حسابى بالكامل .. واطمئن سيتم تزييل هذا الشرط بالكامل فى إستمارة عقد القران .. بحيث سيكون إلزامى وبشرط جزائى ضدى ان قصرت فيه يوماً ما .

كان العرض مغرياً للشاب الذى ابتسم وهو يقيسها من جميع الزوايا هندسياً كما تعود .. فوجد انه لن يخسر شيئاً رغم تنازله عن احد شروطه وهى الفسح كما ذكر سالفا ولكن..

- ما المانع ؟

ابتسمت الفتاة فى نشوة انتصار عقب هذه الاجابة الشافية واخذت الام تنقل نظراتها منها للعريس فى حيرة من هذه الاتفاقية العجيبة فى اول يوم للارتباط .. فأسلمت امرها لله .. المهم نسترها ونخلص ..

كان الصخب عالياً بهذا المكان الكبير الذى يكتظ به الالوف من البشر .. من بينهم ظهر الشاب عاقداً حاجبيه فى غضب صارخاً فى وجه زوجته :

- ألا يوجد مكان انسب من هذا لتناول العشاء ؟!

الفتاة فى مرح :

- وهل يوجد اجمل من العشاء مع كل فئات المجتمع؟! ومع هذه الفرحة الغامرة ؟! انه عرس رائع يا حبيبى .. سأعوضك عن حفل زفافنا الذى فاتنا

قالتها وهى تناوله قطعة من الدجاج المشوى بفمه وتضحك من تردده فى ان يهتم بتناول الدجاج الذى يحبه او ان يستمر فى ابداء اعتراضه وغضبه .. وتعيد ضحكتها وهى تقول :

- هيا عش اجمل لحظاتك .. فهى لن تتكرر الا مرتين فى الاسبوع

اتسعت عيناه فى ذعر مكرراً:

- ماذا؟! .. مرتين فى الاسبوع !! .. هل سنأتى هنا مرتين فى الاسبوع!!

اشارت الفتاه له بابهامها محذرة :

- اياك ان تتذمر انا انفذ الاتفاق وعليك ان تلتزم به من جانبك .. غير اننى مشتركة فى الرابطة منذ سنوات

- اى رابطة ؟!

- رابطة أولتراس أهلاوى

كان قولها له عاصفاً .. أعجزه عن نطق حرفاً واحد .. فهو لا يحب كرة القدم .. ويبدو انه نسى وضعها فى قائمته قبل الزواج .. وماذا لو منعها الآن .. سينفذ هو الشرط الجزائى العكسى .. هو ليس بالمبلغ الضخم .. ولكن يصعب التفريط فيه .. فضلاً انها لن تصمت هذه المتهورة وستقلب الدنيا رأساً على عقب بلا هوادة .. ظل ينظر اليها وهى تهتف بحماس لفريقها .. فأقترب من أذنها يتمتم بصوت لم يألفه فى نفسه من قبل :

- هلا خرجتى مع صديقاتك بدلاً منى .....

وأحرز الأهلى هدفاً .. واحتضنته الفتاة .. وفى عينيها

فرحة نصر عظيمة

كاتب القصة القصيرة أ \ سامح على 

Read more…

انا من كام يوم كا عاداتى اليومية بحب اعمل اسماء ثانوية للاطفال ذي زليخة او الست او زفتة

طبعاً من بعد ما بدأت استخدام تلك الكلمات في المنادية انا لا انكر انها متعة فا شتيمة الابناء متعة للأباء و لو لحظتوا انا اخترت اسامى ليس لها معنى يتحول الانسان اليه ذي ما دايماً اطباء علم المفس ما بيقولوا ، فا هما دايماً بيقولوا ان الطفل بيأخذ جزء من الاسم اللى بيتنادى به .... يعني لما تنادى طفل و تقول له يا غبي يبقى تأكد انه حيتغبى او لو قلت له يا حمار حيبقى شبه ..... لكن زفت دى حتعمل ايه و لا حاجة ... صح و لا ايه ؟؟؟؟

المهم و انا بجهز للمقالة دى في دماغي لقيت فيديو ظريف عن طفل عنده ١٦ شهر يعنى اقل من سنة و نصف المهم الولد ده بيقراء و لينك الفيديو اهوه

http://youtu.be/EbazdZ4erl0

و بعدين و انا بدور عليه على اساس انه طفل فريد من نوعه اكتشفت كم هائل من الاطفال بتعمل كده بردوا ... فا تقريباً خير اللهم ما اجعله خير حسيت بالذنب و كا محاولة لتصحيح اخطائى التربوية نزلت اشتريت لعب تنمية ذكاء و بدأت ادور على مواقع لتعليم الاطفال ورفع مستوى زكائهم و فى أثناء البحث وقع فى طريقى فيديو تانى المرة دى لعالم غريب و مستفز لكن بيتكلم صح عن الطفولة لينك الفيديو بتاعه هو

http://youtu.be/lDO53YeU64k

ملخص الفيديو ده :

١. ان الطفل ازكى من الرجل الكبير مش علشان بيعرف يضحك عليك و يخليك تنفذ طلباته لا لانه بمجرد ما بيمسك اى شئ بيبداء يطبق عليها اول خمس تجارب بيعملهم اى عالم فى اول بحثه و اللى هما تعريفه بالنظر و الشم و اللمس و التذوق و الكسر لاكتشاف ما بداخله

٢. التعلم بالنسبة للطفل هو اللعب و يفضل التعلم عن الاكل

٣. كل اللعب صممت من قبل الكبار للتخلص من الاطفال

٤.احسن معلم للطفل هم ابه و امه يعنى بدل ما تبعتهم عند مدرس يأخذ فلوسك علمهم انت

و فى معلومات تانية كتير مفيدة فى الفيديو من أجل اكتشاف الموضوع أكثر...

المهم ان أطفلنا ممكن ان نحسن من مستوى ذكائهم علشان لما نيجي نقول ان الطفل العربي و بالاخص الطفل المصرى أذكى طفل فى العالم لا نصدم كما حدث فى الفيديو ده :

الطفل المصرى

و نكتشف ان احنا دمرنا خلاية مخه 

و أذا كنت قلقان من أنك أب او أم من أسواء الانواع فا أطمن طبقاً للفيديو التالى احنا أرحم من غيرنا بكتير و لم و لن نكون من لأسواء 20 أب و أم على مستوى العالم و اللينك اهو :    معلومة بس الفيديو ده غير مصمم لاصحاب القلوب الضعيفة 

20 worst parents in the world

و أخيراً أطفلنا هما أسفنجة صغيرة تمتص كل أفعلنا و كا نصيحة منى خارج سياق الموضوع لكل سيدة مقبلة على الزواج تعرفي على والد زوجك و تابعى عن كثب كيف يعامل حماكى حماتك و انتى سوف تعلمى بالظبط ما سوف يفعله زوجك و طبعاً علشان الرجالة متزعلش راقب حماتك و انت تعرف مراتك حتعمل فيك اية .... :)

فيدو معبر عن الموضوع :

children like parents

و أخيراً كانوع من أنواع الاعلان الغير مدفوع أحب أن أبلغ الجميع أنه أخيراً سوف يصدر اول قصة لى فى كتاب مشترك مع زملائى الاعزاء د\ رابعة على و د\ لوؤى عبد المنعم قريباً فى معرض الكتاب . الكتاب أسمه الحب فى زمن الكاديلاك و انا قصتى أسمها زواج تيك أواى فى انتظاركم جميعاً فى معرض الكتاب .... و الصورة مكتوب فيها الزمان و المكان ... :)

لينك الصفحة الرسمية للكتاب لمتابعة أماكن نزول النسخ موجدة فى اللينك التالى:

https://www.facebook.com/Love.In.Cadilac.age

Read more…